اليويو (أحمد فؤاد نجم )
كتبهاد:سيد مختار ، في 15 مايو 2008 الساعة: 14:17 م
يا واد يا يويو
يا مبرراتي يا جبنة حادقة على فول حراتي
آستك لسانك
فارد ولامم
حسب الأبيح يا مهلباتي
يا واد يا يويو يا مهلبية
فوق الصواني
سايحة و طرية
في كل جلسة تلبس قضية
و تخيل عليها أوي يا مشخصاتي
يا واد يا يويو يا مبرراتي
حسب الوظيفة وانت و شطارتك
تظهر حلاوتك
تظهر مرارتك
لو خفضوك ترتفع حرارتك
لو صعدوك حالا
تنقلب جيلاتي
يا واد يا يويو يا مبرراتي
و بالمناسبة
و انت اللي أدرى
كان لك تحفظ على المبادرة
ليه النهاردة
بترش بدرة
يا ابن الأبالسة
يا ملطفاتي
يا واد يا يويو يا مبرراتي
و النهاية
لك عندي كلمة
آخر طريقك زحل و ضلمة
حيث ان آخر القرع ضلمة
يا اما كفتة طرية
من عند العجاتي
يا واد يا يويو
يا مبرراتي
ـــــــــــــــــــــــــــــــــــــــــــــــــــــــــ
التصنيفات : أشعـــار | السمات:أشعـــار
أرسل الإدراج | دوّن الإدراج
مايو 15th, 2008 at 15 مايو 2008 10:50 م
لا بقي
دي رهيبه
بجد
طيب ممكن لو سمحت ومن فضلك واحسانك انقلها لعندي في المدونة
والله هقول اني لطشتها من عندك
بس لو تسمح يعين اشر بس وانا بجد ناويه انزلها العدد القادم
بجد مش معقوله
تجنن
اتمنالك جمعه طيبه مباركه باذن الله تعالي
تحياتي لك
مايو 16th, 2008 at 16 مايو 2008 2:43 م
سندريلا
اتفضلى يا استاذه
المدونة كلها متاحة للجميع
ومدونتك العامرة بالمريدين ستشهر القصيدة المشهورة وستجعل الجميع يسخرون من الإنتهازيين والمتنطعين والمنافقين وحزب المبرراتيه
تحياتى لك سندريلا
مايو 17th, 2008 at 17 مايو 2008 12:21 م
سانقلها
وساكتب اني لطشتها من مدونتك
تعرف كتير مناسبه للوقت اللي احنا فيه ده
بعد ما كثر المتنطعين ومدعين الوطنيه والرجوله احيانا
تحياتي لك
مايو 17th, 2008 at 17 مايو 2008 7:51 م
سندريلا
مناسبة
بصراحة ..مناسبة جداً لأن اليويو كتروا قوىىىىىىىىىى
تحياتى لك